Heinrich Mattle

Liaber Papa, liabe Mama!

Ich erinnere mich so guat, wia iar zwäh i dr Karwocha vom Grüadonnstig bis zum Ostermehntig in jede Mäss ganga senn. Hütt wähss ich, dass euer tühfe und gläbbte Globba, euch viel  Kraft geh hott, oh för ühs Gaggla. 

Hühr honn ich d'Karwocha weder amohl ganz intensiv erläbbt und honn Kraft tankt, för alls, was woll bald of mich zua kunnt. 

Und ich spür euch allig weder bi miar und daför sägg ich Vergältsgott!

Iar senn för mich dia besta Eltera gsi, dia ich kriaga könna honn - ich globb, ich honn euch des ds'wenig oft gseht .....

Ich vermiss euch, aber ich wähss euch im wohl verdianta Fredda!

Und hühr fihran iar scho dia zweita Ostera met am Wolfgang!

Liaber Papa,

hütt fihrisch du dihn 99ta Geburtstag und hütt senn mihne Gedanka ganz bsundrix fest bi diar!

Ich wähss, dass ich dich nömma zrock hola kah. Aber ich wähss oh, dass du miar vo doh dobba da Weg zähgisch, wenn ich ihn säll nömma finda kah. 

Ruab im Fredda!

"Vom Chrestkind

Öberfüllt isch Bethlehem, niamad will d’Maria neh.

Drom im Stall bi Schohf und Rind, isch of d’Wält koh ds’Jesuskind.

Statt a nobels Kinderbett, hott’s a ruhi Kreppa khett.

Und statt Bilder a da Wenn, hühfa Spinnawebba senn.

För d’Maria müad und matt, giht’s nu Strau als Liegestatt.

Dr Josef isch an freia Mah, hilft und pfläggt so guat er kah.

D‘Hirta senn voll Ehrfurcht koh, d’Engel honn sie’s wissa loh.

Und dia singan jätzt so schö: „Ehre sei Gott in der Höh.

Friede dem, der auf der Welt, die Gebote Gottes hält.“

Leider höran viel ds’viel Lüht, vo dem Engel-Liadli nühd.

Was hott Christus für ühs doh, jo sogehr sie Läbba gloh.

Dromm tuan rächt, wia’s ds’Chrestkind freut, niamad hott des je bereut."

Liaber Papa, des isch enn vo dihna Weihnachtsgedanka, dia du ühs all Johr ds'Weihnachta - näbbs dr hl. Gschicht - so wunderbar vortrehga hosch und ühs dadurch Weihnachta nohat brohcht hosch. För mich ischas allig noch aso und ich halt dihne Weihnachtsgedanka-Sammlig in Ehren und freu mich, dass sie mich wihter begleitat!

Liaber Papa

hütt vor drei Johr bisch du am Margat om 09:30 im Fredda ganga und hosch a grohsse Leere hinterloh.

Aber du bisch so oft für mich spürbar - ich wähss, du und oh d'Mama senn allig doh - an grossa Sägga för mich und oh för alle andere, dia iar i eurem grossa Herza bhalta honn.

Und trotzdem gihts doh allig dia Momente, i denna ich dich förchtig vermiss .... 

Hütt a sihnam 68. Geburtstag isch Wolfgangs Asche zu euch i ds'Gräble koh - weder vereint in Liebe!