Irma Mattle

Liabe Mama, 

alles Liabe & Guate zum Muttertag: ich wähss, dass du mich hörst, wenn ich ganz leise sägg: ich vermiss' dich!

För mich bisch DU dia beste Mama gsi, dias giht!!!!

Liaber Papa, liabe Mama!

Ich erinnere mich so guat, wia iar zwäh i dr Karwocha vom Grüadonnstig bis zum Ostermehntig in jede Mäss ganga senn. Hütt wähss ich, dass euer tühfe und gläbbte Globba, euch viel  Kraft geh hott, oh för ühs Gaggla. 

Hühr honn ich d'Karwocha weder amohl ganz intensiv erläbbt und honn Kraft tankt, för alls, was woll bald of mich zua kunnt. 

Und ich spür euch allig weder bi miar und daför sägg ich Vergältsgott!

Iar senn för mich dia besta Eltera gsi, dia ich kriaga könna honn - ich globb, ich honn euch des ds'wenig oft gseht .....

Ich vermiss euch, aber ich wähss euch im wohl verdianta Fredda!

Und hühr fihran iar scho dia zweita Ostera met am Wolfgang!

"Vom Chrestkind

Öberfüllt isch Bethlehem, niamad will d’Maria neh.

Drom im Stall bi Schohf und Rind, isch of d’Wält koh ds’Jesuskind.

Statt a nobels Kinderbett, hott’s a ruhi Kreppa khett.

Und statt Bilder a da Wenn, hühfa Spinnawebba senn.

För d’Maria müad und matt, giht’s nu Strau als Liegestatt.

Dr Josef isch an freia Mah, hilft und pfläggt so guat er kah.

D‘Hirta senn voll Ehrfurcht koh, d’Engel honn sie’s wissa loh.

Und dia singan jätzt so schö: „Ehre sei Gott in der Höh.

Friede dem, der auf der Welt, die Gebote Gottes hält.“

Leider höran viel ds’viel Lüht, vo dem Engel-Liadli nühd.

Was hott Christus für ühs doh, jo sogehr sie Läbba gloh.

Dromm tuan rächt, wia’s ds’Chrestkind freut, niamad hott des je bereut."

Liabe Mama, des isch enn vo Papa's Weihnachtsgedanka, dia er ühs all Johr ds'Weihnachta - näbbs dr hl. Gschicht - so wunderbar vortrehga hott und ühs dadurch Weihnachta nohat brohcht hott. För mich ischas allig noch aso und ich halt sihne Weihnachtsgedanka-Sammlig in Ehren und freu mich, dass sie mich wihter begleitat!

Liabi Mama,

Bim Ruhscha vo da Blätter und i dr Schönheit vom Herbscht, erinner ich mich a dich.

Am Johresahfang und wenn's ds'End goht, erinner ich mich a dich.

Wenn ich a Fröhd honn, dia ich so gära met diar tähla deht, erinner ich mich a dich.

So lang ich läbb, wörsch oh du läbba, denn du bisch allig an Tähl vo miar, wenn ich mich a dich erinnere.

Und hütt, a dihnam 7. Todestag, zünd ich am Ohbad om 7e a Kärzle für dich ah!

Liebe Mama

dr Gedanka, dass du dihn hüttige 97er met am Papa, dihna Gschwüstrig, Schwöger und allna, dia diar voruhs ganga senn, zemma fihrisch, isch miar an grosse Trost. 

Und wenn iar dabei noch a paar Jass klockan, denn muass ich schmunzla .... 

Es ist wunderbar zum wisse, dass du im Fredda bisch und dennoch fehlsch du miar förchtig!