Artur Wohlgenannt

"I bedonk mi für die Herberg, i geh ham, enk loss i hintn, oba amol werma uns wohl oll' volla Freid im Himml findn." Depende, abuelito, depende, ... I wünsch' da a guats Hamkemen, Opa.

Opale, du Schlingl - du host gor neama gwoatet, bis ma kemen send! Host di still und leise davon gschlichn, grod do, wo mir nit do worn. Und dabei homma uns so beeilt! Imma host du dazöhlt, wia du deina Muatta die Hond gholtn host, bis se gstorbn is. Des homma für di neama tuan kennen. Es hot nit solln sein. Oba es passt schon. Du host gonz friedlich ausgschaut. Wohrscheinlich wor es Umegehn schon zu valockend! Bestimmt host es Requiem von Mozart a ghört, wos i zur sölbn Zeit onghurcht hob. Mit dein Lächln host du di in mei Herz gschlichn! Du host es sogor donn noch gschenkt, wo de neama ausn Bett aussakemen bist. Anfoch nur glücklich, weil de daham host sein kennen in deine vier Wänd. "Do gang i nit usse, bis i stirb!" DES worn imma deine Worte. Es gfreit mi, doss dei Wunsch in Erfüllung gongen is. Dakujem pekne, Alzbeta! I wünsch eich do obn a so an Engl, der rund um die Uhr auf eich schaugg! Deine Bleamlen werste ollweil von uns kriagn. Des hob i dir noch ins Ohr flüstan wolln, bevor de di aufn Weg mochst. Oba du werst se wohl von obn oba sölba entdeckn. Mochs guat, Opa, und nit vagessn di amol zen möldn, waasst eh.